1. Bosh sahifa
2. Yangiliklar

Ўзбекистон тумани ҳокими Қахрамонжон Джураев: пандемия даврида қийин вазиятда қолган ҳар бир оилани қўллаб-қувватлашга эътибор қаратамиз

×

1-сектор раҳбари, туман ҳокими Қ.Джураев сектор ҳудудидаги хонадонларда бўлиб, фуқаролар билан учрашишда давом этмоқда. Уларнинг яшаш шароитларини янада яқиндан ўрганиб, мутасадди идоралар билан биргаликда мавжуд муаммоларини ҳал қилиш чораларини кўрмоқда.

Пандемия даврида қийин вазиятда қолган оилаларни ижтимоий-моддий қўллаб-қувватлаш, кунлик, мавсумий ёхуд муқим иш ўрнини йўқотган фуқароларни иш билан таъминлаш масалалари сектор раҳбарининг ҳудудлардаги ўрганишларида асосий масала сифатида қаралмоқда.

Ўрганишларда аҳоли бандлиги ва даромадини таъминлашда томорқадан самарали фойдаланишни тарғиб этишга ҳам алоҳида аҳамият қаратиляпти. Хонадон эгаларига субсидия маблағлари ҳисобига, томорқаларида иссиқхоналар қуриш таклифлари берилиб, таклифларни амалга тадбиқ этиш ишлари бошлаб юборилди.

Сектор раҳбарининг ташаббуси билан эҳтиёжманд оилаларга “Саҳоват ва кўмак” умумхалқ харакати доирасида бирламчи озиқ-овқат маҳсулотлари етказиб бериляпти.

Пандемия даврида ҳар бир оила, ҳар бир шахс давлат эътиборида эканлигини намоён этувчи бундай эзгу ҳаракатлар, туман ҳокимининг уй-уй юриб ижтимоий таъминотга муҳтож оилалар ҳолидан хабар олиш ишлари давом этмоқда.

Ўзбекистон тумани ҳокимлиги Ахборот хизмати