1. Bosh sahifa
2. Yangiliklar

Бозордаги нарх-наво ва харидорларга яратилган қулайликлар ўрганилди

×

Ўзбекистон тумани ҳокими Шерзоджон Юлдашев бугун, тегишли масъуллар ҳамроҳлигида Яйпан шаҳридаги Деҳқон бозорида бўлиб, бу ердаги нарх-наво ва санитар ҳолатни ўрганди.

Ташриф давомида туман ҳокими деҳқон бозорида аҳоли учун яратилган қулайликлар, маҳсулотларнинг нархи ва сифати, тўлиқлиги ва заҳирасини ўрганди. Сотувчилар ва харидорлар билан суҳбатлашди.

Туман раҳбари томонидан бозорда доимо бирламчи озиқ-овқат ва қишлоқ хўжалиги маҳсулотларининг тўлиқ бўлиши, нархларнинг сунъий ошиб кетишига йўл қўймаслик, сотувчиларнинг ўз ишига виждонан ёндашиши кераклиги таъкидланди.

Шунингдек, ўрганишлар жараёнида, бозорда санитария-гигиена қоидаларига риоя этилишини таъминлаш юзасидан масъулларга кўрсатма ва топшириқлар берилди.

Ўзбекистон тумани ҳокимлиги Ахборот хизмати