1. Bosh sahifa
2. Yangiliklar

Наврўз - меҳр-оқибат ва саховат айёми

×

Наврўзи олам – ҳамма бир бирига хайр-саховат, меҳр-мурувват улашадиган эзгу анъаналар жам бўлган қутлуғ байрамлардан биридир.

Ушбу айёмда эҳтиёжманд, кам даромадли, ногиронлиги бўлган, бетоб кишилар ва нуроний отахону онахонларга эҳтиром кўрсатиш, уларнинг ҳолидан хабар олиш ва дуоларига сазовор бўлиш халқимизга хос эзгу фазилат ҳисобланади.

Ўзбекистон тумани бўйлаб ҳам ушбу анъана давом эттирилмоқда.

Байрам арафасида туман ҳокими Шерзоджон Юлдашев бошчилигидаги ҳокимлик вакиллари, маҳалла масъуллари томонидан эҳтиёжмандлар ва беморлар ҳолидан хабар олиниб, уларга бирламчи озиқ-овқат маҳсулотлари топширилди.

Шу тоифадаги оилалар хонадонларида бўлган туман раҳбари, уларни байрам билан қутлаш баробарида хонадон эгаларининг қўшимча мурожаатларини ҳам тинглаб, барча масалаларни ижобий ҳал этиш чоралари белгиланди.

Туман ҳокимлиги ташаббуси ва туман "Саховат ва кўмак" жамғармасидан ажратилган озиқ-овқат маҳсулотлари тумандаги 300 дан зиёд ана шундай оилаларга тарқатиб чиқилди. 

Наврўзи оламнинг ташрифи давомида бундай эзгу амаллар туманимиз бўйлаб давом этмоқда.

Ўзбекистон тумани ҳокимлиги