Yuridik va jismoniy shaxslar tomonidan veb sayt orqali bo'lgan murojaatlar
Jami murojaatlar: 38Ishonch telefoni statistikasi
"Дўстлик" фестивали: миллатлараро дўстлик, аҳиллик ва ҳамжиҳатлик тараннуми
2022-08-06 11:00:45 215
Айни кунларда юртимиз бўйлаб “Халқлар дўстлиги куни” муносабати билан бўлиб ўтаётган “Дўстлик” фестиваллари доирасида турли маданий, маънавий-маърифий ва илмий-амалий тадбирлар давом этмоқда.
Ана шундай тадбирлардан бири кеча Яйпан шаҳридаги Алишер Навоий номидаги маданият ва истироҳат боғида ҳам бўлиб ўтди.
Байрам тадбирида туман ҳокимлиги ҳамда давлат ва жамоат ташкилотлари масъуллари, маҳалла фаоллари, ёшлар ҳамда туманда истиқомат қилувчи турли миллат вакиллари иштирок этди.
Тадбирда иштирок этган туман ҳокимининг ўринбосари Муслимбек Аҳмедов бугунги кунда Ўзбекистон туманида ҳам ўнга яқин миллат ва элатларнинг этник-маданий ўзига хослигини сақлаш, жамиятда миллатлараро тотувлик, бағрикенглик ва тинчликни янада мустаҳкамлашга алоҳида эътибор қаратилаётганини таъкидлаб, туман ҳокимининг байрам табригини барчага етказди.
Тадбир давомида кўпмиллатли халқимизни улуғловчи, Ватан ва истиқлолни тараннум этувчи куй-қўшиқлар, бадиий чиқишлар ҳамда рақслар байрам иштирокчиларига кўтаринкилик улашди.
Ўзбекистон тумани ҳокимлиги
