Yuridik va jismoniy shaxslar tomonidan veb sayt orqali bo'lgan murojaatlar
Jami murojaatlar: 38Ishonch telefoni statistikasi
Янги йил арафасида Ўзбекистон туманидаги маҳаллаларда қад ростлаган спорт майдончалари фойдаланишга топширилди
2022-12-30 13:30:28 260
Ўзбекистон туманидаги Абдурахмон Жомий, Давлатботир ва Оқмачит маҳалла фуқаролар йиғинларида замонавий универсал спорт майдончаси, «Workout» ва «Streetball» майдонларини ўзида жамлаган болалар спорт майдончалари барпо этилди.
Жорий йилда спортни ривожлантириш вазирлиги томонидан масъул ташкилотлар билан ҳамкорликда республика бўйлаб “Беш ташаббус олимпиадаси” доирасида 9 спорт туридан оммавий спорт мусобақалари бўлиб ўтганди.
Ушбу спорт мусобақаларида муносиб иштирок этган Абдурахмон Жомий, Давлатботир ва Оқмачит маҳаллалари ёшлари баҳсларнинг Республика босқичида ғолиб ва совриндорлар қаторидан ўрин эгаллашгани ҳақида аввал хабар берган эдик.
Ёшларнинг эришган мазкур ютуқлари натижасида, улар истиқомат қиладиган маҳаллаларда Спортни ривожлантириш вазирлиги томонидан спорт майдончалари қуриб битказилди ва Янги йил байрами арафасида фойдаланишга топширилди.
Эътиборлиси, эндиликда маҳаллаларда истиқомат қилаётган аҳоли ва ёшлар учун доимий бадантарбия ва соғломлаштириш машқлари билан шуғулланиш янада қулай имкониятлар яратилди.
