Yuridik va jismoniy shaxslar tomonidan veb sayt orqali bo'lgan murojaatlar
Jami murojaatlar: 38Ishonch telefoni statistikasi
Ўзбекистон туманидаги 1-сонли касб-ҳунар мактабини 375 нафар ёшлар тамомлади
2023-07-12 19:11:18 213
Ўзбекистон туманидаги 1-сонли касб-ҳунар мактабини жорий ўқув йилида 375 нафар ўғил-қиз битирди.
Битирувчиларни мустақил ҳаётга йўл олиши муносабати билан ташкилланган “Оқ йўл сенга, битирувчи” тадбири катта шодиёнага айланди.
Тадбирда иштирок этган туман ҳокимлиги вакиллари ёшларга омадлар тилашди, ватанимиз равнақи йўлида фидокорона меҳнат қилишларига умид билдиришди.
Туманнинг Конизар мавзесида жойлашган мазкур бошланғич профессионал таълим муассасасида таҳсил олган ёшлар 2 йил давомида умумий ўрта таълим йўналишлари билан бир қаторда тикувчилик, электромонтёрлик, ахборот воситалари машиналари ва компьютер тармоқлари оператори, пайвандлаш, трактор-машинист, автомобилларга техник хизмат кўрсатиш, ошпаз-қандолатчи, қурилиш ишлари ишчиси ва сартарошлик каби касб-ҳунар сирларини ҳам ўзлаштиришди.
Таълим даргоҳини аъло баҳоларга тамомлаётган битирувчиларга диплом билан бирга эсдалик совғалари ва гулдасталар топширилиши қарсагу олқишлар билан кутиб олинди.
Она Ватан ва ёшликни тараннум этувчи куй-қўшиқлар тадбирга ўзгача руҳ бағишлади.
