1. Bosh sahifa
2. Yangiliklar

Сектор раҳбарининг ташаббуси билан имконияти чекланган инсонларга реабилитация воситалари топширилди

×

Ўзбекистон тумани сектор раҳбарлари бошчилигидаги ишчи гуруҳлар томонидан ҳудудлардаги кам таъминланган, эҳтиёжманд, ногиронлиги бўлган оилалар ҳолидан хабар олиниб, уларга моддий ва маънавий кўмаклар кўрсатиб борилмоқда.

3-сектор ишчи гуруҳи, туман ички ишлар бўлими раҳбарияти туман камбағалликни қисқартириш ва бандлик бўлими билан ҳамкорликда бир гуруҳ бемор ва имконияти чекланган фуқароларнинг хонадонларида бўлиб, уларнинг ҳолидан хабар олишди.

Хусусан, “Дўнгсарой” маҳалласида яшовчи Баходир Холматов, олмазорлик Рисолатой Алиева ва “Нурли келажак” маҳалласида истиқомат қилувчи Рахимахон Азимовалар йўқланиб, уларга замонавий ногиронлик аравачаси ҳамда эшитиш мосламалари топширилди. Беморларга шифо, хонадонларга фаровонлик тиланди.

Туманда бу каби хайр-саховат тадбирлари давом этмоқда.