Yuridik va jismoniy shaxslar tomonidan veb sayt orqali bo'lgan murojaatlar
Jami murojaatlar: 38Ishonch telefoni statistikasi
Маҳалла ходимларининг фаолияти сарҳисоб қилиниб, энг муносиб меҳнатлар эътироф этилди
2023-12-29 22:02:00 984
Бугун Ўзбекистон туманидаги мавжуд 73 та маҳаллалар ва уларда фаолият кўрсатаётган ходимларнинг 2023 йилги фаолияти якунлари ҳамда 2024 йилда амалга оширилиши лозим бўлган вазифаларга бағишланган учрашув бўлиб ўтди.
Туман ҳокими Шерзоджон Юлдашев ва сектор раҳбарлари иштирок этган учрашувда ҳудудларни ҳар томонлама обод ва фаровон этиш, маҳаллаларда янги иш ўринлари яратиш, аҳоли даромадларини ошириш, хотин-қизлар ва ёшлар билан ишлаш натижадорлиги масалалари атрофлича кўриб чиқилди.
2024 йилда тизимда самарадорликни янада ошириш бўйича устивор вазифалар белгилаб олинди.
Ўз маҳалларида ҳар томонлама намунали иш ташкил этиш орқали туманнинг ижтимоий-иқтисодий ривожига муносиб ҳисса қўшган, энг яхши натижаларга эришган бир қатор фаол ходимлар туман ҳокимлиги томонидан ташаккурнома, эсдалик совғалари ва юртимиздаги сиҳатгоҳларда даволаниш учун бепул йўлланмалар билан тақдирланди.
Шунингдек, ёшлар муаммоларини бевосита маҳаллада ҳал этиш, уларни ҳар томонлама қўллаб-қувватлашда борасида 2023 йилдаги самарали фаолияти учун Ёшлар ишлари агентлигининг махсус ташаккурномаларига лойиқ деб топилган маҳалладаги ёшлар етакчилари ҳам яна бир бор алоҳида эътироф этилди.
