1. Bosh sahifa
2. Yangiliklar

Ўзбекистон туманида ободликни таъминлашга хизмат қилувчи муассасаларнинг моддий-техник базаси такомиллашмоқда

×

Ўзбекистон тумани масканларида тозалик ва ободлик, шунингдек бунёдкорлик ишлари самардорлигини янада ошириш мақсадида ушбу йўналишларда хизмат кўрсатадиган ташкилотлар моддий-техник базасини мустаҳкамлашга ҳам алоҳида эътибор қаратилмоқда.

Шу мақсадда тумандаги “Қўқон махсустранс сервис” МЧЖ корхонасига ҳар бирининг сиғими 12 м3 бўлган 3 та янги махсус чиқинди ташиш техникалари келтирилди. Бу билан эса корхона балансидаги жами махсус транспорт воситаларининг сони 20 тадан ошди.

Шунингдек, айни кунларда туман ободонлаштириш бошқармаси учун ҳам янги экскаватор ва юк ташувчи транспорт харид қилиниб, ушбу ташкилотдаги махсус техникаларнинг сони ҳам 10 тага етказилди. 

Замонавий ва янги русумдаги техникалар туман манзилларидаги ободлик ишларига жалб қилинган. 

Таъкидланишича, келгусида ҳам айни ташкилотларга шу каби яна янги махсус транспорт воситаларини келтириш кўзда тутилган.