Yuridik va jismoniy shaxslar tomonidan veb sayt orqali bo'lgan murojaatlar
Jami murojaatlar: 38Ishonch telefoni statistikasi
Фронт орти меҳнат фахрийлари ва кекса-нуронийларга эҳтиром кўрсатилди
2024-05-08 16:47:06 583
9 май –“Хотира ва қадрлаш куни”- нафақат ўтганлар руҳига эҳтиром кўрсатиш, балки бу ёруғ дунёда умр гузаронлик қилиб, қарилик гаштини сураётган мўътабар отахон ва онахонларимизни ҳам қадрлаш билан ҳам алоҳида аҳамият касб этадиган айёмлардан.
Сана муносабати билан туман ҳокимлиги хамда “Нуроний” жамғармаси ташаббуси билан туман маҳаллаларида истиқомат қилаётган 40 нафарга яқин ана шундай фронт орти меҳнат фахрийларига алоҳида иззат-икром кўрсатилди.
Нуронийлар ҳолидан хабар олиниб, уларга туман ҳокимлигининг байрам табриги ва озиқ-маҳсулотлари етказилди.
Суҳбатлар давомида фахрийлар бугунги тинч-осойишта кунларга осонликча эришилмагани, уни кўз қорачиғидек асраб-авайлаш лозимлиги, юртимизда яратилган шароит ва имкониятлардан тўла фойдаланган ҳолда Ватанимиз тараққиёти учун ҳисса қўшиш барчанинг, айниқса ёш авлоднинг муқаддас бурчи эканлигини таъкидлашди.
