1. Bosh sahifa
2. Yangiliklar

Ўзбекистон туманидаги маҳаллаларнинг таъмирталаб ички йўллари созланиб, шағалланмоқда

×

Ўзбекистон туманида маҳаллалар инфратузилмасини яхшилаш, бу орқали эса аҳолига қулайлик яратишга қаратилган тадбирлар давом этмоқда. Бу борада туман ҳокимлиги, сектор раҳбарлари хамда маҳалла фаоллари ҳамкорлигида муайян ишлар амалга оширилмоқда.

Хусусан, маҳаллалардаги ёзда чанг, қишда эса лой бўлувчи ички йўлларда таъмирлаш ишлари бажарилмоқда. Айни кунларда Фаровон Келажак, Қудаш, Бузуқўрғон ва Зиё Нурсух каби маҳаллаларда ана шу тадбирлар йўлга қўйилган. 

Маҳаллалар инфратузилмасини яхшилаш, аҳоли мурожаатлари асосида уларни қийнаб келаётган муаммоларни бартараф этиш жараёнлари давом этмоқда.