1. Bosh sahifa
2. Yangiliklar

Профессионал таълим муассасасида янги ўқув йилига тайёргарлик ҳолати ўрганилди

×

Ўзбекистон тумани ҳокими Шерзоджон Юлдашев бугун тумандаги Педагогика коллежига ташриф буюриб, янги ўқув йилига тайёргарлик ҳолатлари билан танишди.

Масканда 270 нафар ўқувчилар мактабгача таълим ташкилоти тарбиячиси ва ёрдамчи тарбиячиси йўналишларида таҳсил олишмоқда. 12 нафар педагог ходимлар кундузги, кечки, сиртқи ва дуал таълим йўналишларида уларнинг касбий маҳоратларини ошириб, сабоқ беришмоқда.

Ёшларнинг сифатли таълим олишини таъминлаш мақсадида, муассасани замонавий ахборот-коммуникация ускуналари билан жиҳозлаш ва кенг фойдаланишга алоҳида эътибор қаратилмоқда.

Туман раҳбари мутасаддилар билан суҳбатда сифатли таълимга биринчи навбатдаги масала сифатида қараш лозимлигини таъкидлаб, коллежда тайёргарлик ишларини тизимли олиб бориш, мавжуд муаммоларни ҳал этиш юзасидан кўрсатмалар берди.