1. Bosh sahifa
2. Yangiliklar

Шакаробод ва Оқтепа маҳалласи аҳолиси ҳам “Мустақиллик оқшоми” ҳамда “Маънавият фестивали” тадбирларини кўтаринки кайфиятда нишонладилар

×

Хабар бериб борилаётганидек, Ўзбекистон туманидаги маҳалла фуқаролар йиғинларида “Бир бўлсак - ягона халқмиз, бирлашсак - Ватанмиз!” шиори остида байрам тадбирлари ўтказилмоқда.

Истиқлолимизнинг 33 йиллиги муносабати билан ташкилланаётган “Мустақиллик оқшомлари” шодиёналари ҳамда “Маънавият фестивали” тадбирлари Шакаробод ва Оқтепа маҳалласида ҳам кенг нишонланди.

Тадбирларда иштирок этган туман ҳокимлиги ва жамоат ташкилотлари вакиллари ҳудуд аҳлини қутлуғ байрам билан муборакбод этиб, маҳаллаларимиз қиёфаси янада гўзал ва обод, халқимиз фаровон, Мустақиллигимиз абадий бўлишига тилаклар билдирди.

Ташкилланган концерт дастурлари, она Ватанни, истиқлолимизни мадҳ этувчи куй-қўшиқлар барчага жўшқин кайфият улашди.