1. Bosh sahifa
2. Yangiliklar

Маърифатли жамият жаҳолатни қоралайди

×

Ёшлар ўртасида ижтимоий-маънавий муҳитни янада соғломлаштириш, миллатлараро тотувлик ва диний бағрикенглик руҳида тарбиялаш, она Ватанга муҳаббат ва юртга садоқат туйғуларини мустаҳкамлаш мақсадида Ўзбекистон туманида муайян тадбирлар ўтказиб келинмоқда. 

"Жаҳолатга қарши маърифат" номли маънавий-маърифий тарғибот тадбирларига аҳоли, айниқса ёшларнинг кенг қатламини қамраб олишга эътибор қаратилмоқда.

Ана шундай тадбирлардан навбатдагилари тумандаги 1 ва 2-сонли касб-ҳунар мактабларида ташкилланди. 

Туман ҳокимлиги, дин ишлари бўйича қўмитанинг туман бўлими ҳамда маънавият ва маърифат маркази каби ҳамкор муассасалар ташаббуси билан ўтказилган давра суҳбатларида маърузачилар томонидан тинчлик-осойишталик улуғ неъмат эканлиги ҳақида, интернет ва ижтимоий тармоқлардан фойдаланиш маданияти, мафкуравий иммунитетни мустаҳкамлаш, жаҳолатга қарши фақат маърифат билан курашиш мумкинлиги ҳақида ибратли мисоллар билан тушунчалар берилди.