Yuridik va jismoniy shaxslar tomonidan veb sayt orqali bo'lgan murojaatlar
Jami murojaatlar: 38Ishonch telefoni statistikasi
Сессия ишида долзарб масалалар муҳокама этилди
2024-12-27 12:47:48 1948
Бугун Халқ депутатлари Ўзбекистон тумани Кенгашининг навбатдаги учинчи сессияси бўлиб ўтди. Унда Халқ депутатлари туман Кенгаши депутатлари, туман ҳокимининг ўринбосарлари, кун тартибидаги масалаларга алоқадор давлат ва жамоат ташкилотлари вакиллари иштирок этди.
Сессия ишида “Ўзбекистон-2030” стратегиясини Ўзбекистон туманида сифатли ва ўз вақтида амалга ошириш чора-тадбирлари тўғрисида;
туман маҳаллаларидаги ҳоким ёрдамчилари томонидан “Оилавий тадбиркорлик” дастурлари доирасида ажратилаётган имтиёзли кредитлар самарадорлиги бўйича амалга оширилган ишлар тўғрисида;
“Аёллар дафтари” юритуви натижалари ва мазкур жамғарма ҳисобидаги маблағлардан оқилона ва мақсадли фойдаланиш бўйича кўрилган чора-тадбирлар ҳақида;
Ўзбекистон туманининг 2025 йилги маҳаллий бюджетини тасдиқлаш тўғрисида;
туманда ерга бўлган ҳуқуқни тасдиқловчи ҳужжатлари тўлиқ бўлмаган, ҳужжатдаги ва амалдаги майдони бир-биридан фарқ қиладиган ерлар ва ушбу ерлардан фойдаланиш ҳолатини ўрганиш натижалари тўғрисидаги ва бошқа масалалар кўриб чиқилди.
Сессия якунида кўриб чиқилган масалалар юзасидан Халқ депутатлари туман Кенгашининг тегишли қарорлари қабул қилинди.
