Yuridik va jismoniy shaxslar tomonidan veb sayt orqali bo'lgan murojaatlar
Jami murojaatlar: 38Ishonch telefoni statistikasi
Ўзбекистон туманида Ватан ҳимоячилари кунига бағишланган ҳарбий-ватанпарварлик ва маданий-маърифий тадбир бўлиб ўтди
2025-01-13 10:39:27 629
Ўзбекистон тумани Яйпан шаҳридаги маданият марказида Ўзбекистон Республикаси Қуролли Кучлари ташкил этилганининг 33 йиллиги ҳамда 14 январь – Ватан ҳимоячилари куни муносабати билан байрам тадбири бўлиб ўтди.
“Янги Ўзбекистон армияси – мамлакат таянчи, халқимиз фахри” шиори остидаги тадбирда туман ҳокимлиги, мудофаа ишлари бўлими, давлат ва жамоат ташкилотлари мутасаддилари, жамоатчилик вакиллари иштирок этди.
Тадбирда табрик учун сўз олганлар Қуролли Кучларимиз бугунги кунда нафақат юртимиз тинчлиги ва осойишталигининг таянчи, балки ўзбек халқи ватанпарварлиги, бирлиги ва қудратининг ҳақиқий рамзига айланганини қайд этдилар.
Маданият бўлими ва ёш ижодкорларнинг ватанпарварлик мавзусидаги куй-қўшиқ ва чиқишлари, ҳарбийлик касбини эгалламоқчи бўлган йигит-қизларнинг кўргазмали намойишлари йиғилганларга кўтаринки руҳ ва байрамона кайфият улашди.
