1. Bosh sahifa
2. Yangiliklar

Сектор раҳбарлари Янги йил савдо ярмаркалари фаолияти билан танишдилар

×

Байрамлар олдидан туман аҳлига кафолатли ва арзон нархларда қишлоқ хўжалиги ва озиқ-овқат маҳсулотлари етказиб бериш анъанага айланган.

Бугун, Ўзбекистон тумани ҳокими Қахрамонжон Джураев бошчилигидаги сектор раҳбарлари туман Деҳқон бозори қошида ташкил этилган арзонлаштирилган ярмаркаларида бўлдилар.

Ушбу ярмаркалар туман фуқаролари учун қулайликлар яратиш, янги йилга тўкин сочинликда ўтиш ва бозор расталарида нархларни кескин ошиб кетишини олдини олиш мақсадида ташкил этилган.

Туман раҳбарлари ярмаркаларни кўздан кечириш давомида аҳолини янги йил билан қутлади.

Шунингдек, сектор раҳбарлари тегишли масъулларга харидорларга ҳар томонлама қулайлик яратиш, бирламчи озиқ-овқат ва қишлоқ хўжалиги маҳсулотларининг тўлиқ бўлиши, нархларни сунъий ошиб кетишини олдини олиш, шунингдек санитария қоидаларига амал қилишни таъминлаш юзасидан зарурий кўрсатма ва топшириқлар бердилар.

Ўзбекистон тумани ҳокимлиги Ахборот хизмати