Yuridik va jismoniy shaxslar tomonidan veb sayt orqali bo'lgan murojaatlar
Jami murojaatlar: 38Ishonch telefoni statistikasi
“ВАҚФ” фондининг хайриялари эҳтиёжманд оилаларга етказилмоқда
2020-12-30 21:44:05 315
Мурувват ва саҳоват юртимизда азалдан юксак қадрият ҳисобланган. Ёрдамга муҳтож кишиларга кўмаклашиш, оғирини енгил қилиш қон-қонимизга сингиб кетган эзгу анъаналаримиздандир.
Аҳолининг кам таъминланган, ёрдамга муҳтож қатламини моддий қўллаб-қувватлаш мақсадида “Вақф” хайрия жамоат фонди томонидан Ўзбекистон туманида амалга оширилаётган ҳайрия тадбирларида ҳам айнан шундай эзгу ташаббусларнинг давомидир.
Маҳалла ва оилани қўллаб-қувватлаш бўлими, “Маҳалла” хайрия жамоат фонди билан биргаликда алоҳида график асосида ҳар бир маҳалладан 10 тадан, тумандаги жами 720 та эҳтиёжманд оилаларга “Вақф” хайрия фонди стикери ёпиштирилган 3 тадан қутига 11 турдаги озиқ-овқат маҳсулотлари жойлаштирилган ҳолда тарқатилмоқда.
Сектор раҳбарлари, маҳалла раислари, имом-хатиблар ва бириктирилган вакиллар "Темир дафтар" рўйхатига киритилган, ижтимоий ҳимояга муҳтож, боқувчисини йўқотган оилалар, ногиронлиги бўлган шахслар ҳолидан хабар олиб, байрам билан қутлашмоқда.
Хайрия тадбирлари туманда давом этмоқда.
Ўзбекистон тумани ҳокимлиги Ахборот хизмати
