1. Bosh sahifa
2. Yangiliklar

Ўзбекистон тумани ва Исфара шаҳри ўртасида ўзаро ҳамкорлик меморандуми имзоланди

×

Аввал хабар берилганидек, бугундан Фарғона шаҳрида Фарғона, Баткен ва Сўғд вилоятлари ишбилармонлари ўртасида “Чегараолди ҳудудлар интеграциялашуви – ривожланиш гарови” мавзусидаги халқаро бизнес-форум бошланди. 

Мазкур халқаро бизнес-форум доирасида бугун Ўзбекистон тумани ва Исфара шаҳри ўртасида ҳамкорликни ривожлантиришга қаратилган меморандум имзоланди.

Мазкур меморандумни Ўзбекистон тумани ҳокими Шерзоджон Юлдашев ва Исфара шаҳар раиси Баховаддин Баходурзодалар имзоладилар.  

Томонларнинг мазкур меморандум қоидаларига мувофиқ савдо, иқтисодиёт, инвестиция, қишлоқ хўжалиги маҳсулотларини етиштириш, шунингдек таълим, маданият, соғлиқни сақлаш, спорт, туризм соҳасида биргаликда жуда кўплаб лойиҳаларни амалга ошириш кўзда тутилган. 

Ўзаро ишонч ва дўстона руҳда ўтган учрашув ҳақида навбатдаги хабарларимизда ҳам батафсил маълумот тақдим этамиз.

Ўзбекистон тумани ҳокимлиги Ахборот хизмати