Yuridik va jismoniy shaxslar tomonidan veb sayt orqali bo'lgan murojaatlar
Jami murojaatlar: 38Ishonch telefoni statistikasi
Ўзбекистон туманида касаба уюшмалари куни байрами кенг нишонланди
2021-11-11 14:19:01 211
Ўзбекистон туманидаги “Орзу” тантаналар мажмуасида Ўзбекистон касаба уюшмалари куни муносабати билан байрам тадбири ташкил этилди.
Тантанада тумандаги таълим ва фан ходимлари касаба уюшмаси туман бўлинмаси аъзолари, фахрий устозлар, ҳамкор ташкилотлар ҳамда жамоатчилик вакиллари қатнашдилар.
Тадбирда иштирок этган туман ҳокими Шерзоджон Юлдашев ҳамда туман ИИБ бошлиғи Бахтиёржон Нажмиддиновлар мамлакатимизда илк бор кенг нишонланаётган ушбу байрам билан барча уюшма ходимларини, устоз-мураббийларни самимий қутлаб, уларнинг келгусидаги фаолиятларида улкан зафарлар тилади.
Сўнгги йилларда тизимга қаратилган эътибор натижасида касаба уюшмалари жамиятимизнинг муҳим бир бўлагига айлангани, ушбу тизимнинг тумандаги ривожида эса уюшма фаолларининг ўрни беқиёс эканлиги таъкидланди.
Байрам тадбирида фаол ходимларга туман ҳокимлиги ва касаба уюшмасининг ташаккурнома ҳамда эсдалик совғалари тантанали топширилди.
Ўзбекистон тумани ҳокимлиги
