1. Bosh sahifa
2. Yangiliklar

Ватан ҳимояси - шарафли ва муқаддас бурчдир

×

Ўзбекистон туманида Ўзбекистон Республикаси Қуролли Кучлари ташкил этилганининг 30 йиллиги ва Ватан ҳимоячилари куни кўтаринки руҳда нишонланмоқда.

Байрам муносабати билан бугун туман ҳокимлиги вакиллари ДХХ Чегара қўшинларининг туман ҳудудларидаги ҳарбий қисм постларида бўлиб, юрт посбонларини шарафладилар.

Ҳарбий хизматчилар ва уларнинг оилалари, жамоатчилик вакиллари иштирок этган тадбирларда туман ҳокимининг чегара масалалари бўйича ёрдамчиси Носиржон Аҳмедов Ватан ҳимояси каби улуғвор ишга ўзини бағишлаган ҳарбийларимиз ҳамиша улкан ҳурмат ва эъзозда эканликларини яна бир бор таъкидлаб, барчага туман ҳокимининг байрам табригини етказди. 

Аскар ва зобитлар, жасур ўғлонларга ҳокимликнинг ташаккурнома ва эсдалик совғалари топширилиб, Ватанимиз сарҳадларини ҳимоя қилиш, бугунги тинч-осуда ҳаётимизни авайлаб-асрашдек шарафли хизматларида улкан шижоат ва омад, оилаларига эса фаровонлик тиланди.

Туман маданият бўлими жамоалари томонидан тақдим этилган концерт дастурлари тадбир иштирокчиларига байрамона кайфият улашди.

Ўзбекистон тумани ҳокимлиги