1. Bosh sahifa
2. Yangiliklar

Алишер Навоий кўчасида янги намунадаги яна бир пиёдалар ўтиш йўлаги ишга тушади

×

Ўзбекистон туманида йўл хавфсизлиги, хусусан пиёдаларнинг ҳаракатланиш хавфсизлигини таъминлаш чоралари кўрилмоқда.

Шу мақсадда туман ҳокимлигининг ташаббуси билан туманнинг марказий кўчаларидан бири, Алишер Навоий кўчасида яна бир янги намунадаги пиёдалар ўтиш йўлаги барпо этилмоқда.

Ушбу махсус ўтиш йўлаги автомобиллар ва пиёдалар ҳаракатини замонавий қурилмалар, белгилар ва йўл чизиқлари билан тартибга солиши, унга ўрнатиладиган электрон таблолар эса ҳайдовчилар ҳушёрлигини оширишда хизмат қилиши кўзда тутилган. 

Туман ҳокими Шерзоджон Юлдашев бугун мазкур қурилиш жараёнларини кўздан кечириб, белгиланган вазифаларни сифатли ва ўз муддатида бажариш юзасидан соҳа мутахассисларига зарурий тавсия ва кўрсатмалар берди. 

Аввалроқ худди шундай намунадаги пиёдалар ўтиш йўлаги айни шу кўчадаги “Оқтепа” жомеъ масжиди ёнида ишга туширилган эди.

Ўзбекистон тумани ҳокимлиги