1. Bosh sahifa
2. Yangiliklar

Ўзбекистон туманида бугун 150 нафарга яқин ёш истеъдод ва иқтидор эгалари, фаол ёшлар муносиб эътироф этилди

×

Бугун Яйпан шаҳридаги 23-сонли болалар мусиқа ва санъат мактабида “Ёшлар ойлиги” доирасида ўтказилган маънавий-маърифий, маданият ва спорт тадбирларининг ғолиб ва совриндорлари, иқтидорли ва истеъдодли фаол ёшларни тақдирлаш маросими бўлиб ўтди. 

Унда туман ҳокими ўринбосарлари, Ёшлар ишлари агентлиги, Ёшлар иттифоқи ва бошқа ҳамкор ташкилотлар масъуллари иштирок этди. 

Келажак бунёдкорлари, уларнинг устоз ва яқинлари жам бўлган тадбирда “Ёшлар ойлиги” доирасида туманда ўтказилган “Заковат” интелектуал ўйини, “Мен ўқиган китоб”, “Ғазалхонлик”, “Санъат ғунчалари” каби танловлар, спорт мусобақалари, шунингдек “Ахборот технологиялари билимдони”, “Камалак” юлдузлари” каби қатор мусобақа, фестивал ва кўрик-танловларнинг турли босқич ғолиб ва совриндорларига диплом, сертификат ҳамда эсдалик совғалари топширилди. 

Барчага қувончли онларни ҳадя этган маросимда ёш истеъдод соҳиблари ва жамоалар томонидан ижро этилган куй-қўшиқ ва бадиий дастурлар иштирокчиларга манзур бўлди.

Ўзбекистон тумани ҳокимлиги