1. Bosh sahifa
2. Yangiliklar

Туман ҳокимининг фуқаролар билан навбатдаги сайёр қабули Кичик Оқмачит маҳалласида бўлиб ўтди

×

Бугун Кичик Оқмачит маҳалла фуқаролар йиғинида Ўзбекистон тумани ҳокими Шерзоджон Юлдашевнинг аҳоли мурожаатларини ўрганиш бўйича навбатдаги сайёр қабули бўлиб ўтди. 

Тумандаги мутасадди ташкилот раҳбарлари жалб этилган қабул давомида қишлоқ аҳли ва туманнинг бошқа ҳудудларларидан ташриф буюрган фуқаролар томонидан бандликни таъминлаш, коммунал ва ижтимоий соҳалар, тадбиркорликни ривожлантириш, банк кредити, саломатликни тиклаш, моддий ёрдам ва кадастр каби масалаларга оид йигирмага яқин мурожаатлар қабул қилинди. 

Қабул давомидаги ҳудуд ёшлари билан учрашувда ҳам уларнинг таклиф ва мурожаатлари кўриб чиқилди. 

Муамммоларнинг маълум қисмига шу куннинг ўзида ижобий ечим топилган бўлса, айримларига қонуний тушунтиришлар берилди. Муддат талаб қиладиган масалалар юзасидан эса бириктирилган масъуллар томонидан қабулдан сўнг ўрганишлар ўтказилиши белгиланди.

Ҳар бир мурожаат ижроси юзасидан муддат ва масъуллар белгиланиб, алоҳида назоратга олинди.