Yuridik va jismoniy shaxslar tomonidan veb sayt orqali bo'lgan murojaatlar
Jami murojaatlar: 38Ishonch telefoni statistikasi
Ўзбекистон тумани волейбол бўйича Ўзбекистон чемпионати мусобақаларига мезбонлик қилмоқда
2022-10-03 19:03:32 213
Бугун Ўзбекистон туманида волейбол бўйича 2006-2007 йилларда туғилган ўғил болалар ўртасида Ўзбекистон чемпионати мусобақаси баҳсларига старт берилди.
Чемпионатнинг тантанали очилиш маросимида Ўзбекистон тумани ҳокими Шерзоджон Юлдашев, вилоят спортни ривожлантириш бош бошқармаси бошлиғи Нодирбек Ҳакимов сўзга чиқиб, бу каби мусобақалар ёш авлод вакилларини спортга оммавий жалб этиш билан бир қаторда уларни Республика терма жамоалари сафларига қабул қилишда муҳим омил бўлиб хизмат қилаётганини таъкидлади.
Мусобақада мамлакатимиз вилоятлари, Қорақалпоғистон Республикаси ва Тошкент шаҳридан жами 200 нафарга яқин ўсмир йигитлар ғолиблик учун кураш олиб боради.
8 октябрга қадар кечадиган мамлакат чемпионатида иштирокчи жамоалар 4 та гуруҳга бўлинган ҳолда беллашадилар.
Мусобақанинг бугунги илк кунида Бухоро, Сурхондарё, Наманган, Жиззах, Сирдарё ва Хоразм вилоятлари, Қорақалпоғистон Республикаси ҳамда Тошкент шаҳри вакиллари баҳсларга киришдилар.
