Yuridik va jismoniy shaxslar tomonidan veb sayt orqali bo'lgan murojaatlar
Jami murojaatlar: 38Ishonch telefoni statistikasi
Хотамтойдаги 64-умумтаълим мактаби ҳам янги қиёфага кирди
2022-10-06 19:58:49 216
Ўзбекистон туманида “Обод қишлоқ” дастури доирасида фойдаланишга топширилаётган объектлардан галдагиси Хотамтой маҳалласидаги 64-умумий ўрта таълим мактаби биносидир.
Ушбу таълим масканида ҳам дастур доирасида кенг бунёдкорлик, капитал таъмирлаш ишлари амалга оширилди.
1974 йилда қурилган собиқ касб-ҳунар коллежи биносида жойлашган зиё масканида эндиликда 310 нафардан зиёд ўқувчи ёшлар қулай ва замонавий шароитларга эга бўлган ҳолда таҳсил олишади.
Замон талаблари асосида мукаммал таъмирдан чиққан ўқув даргоҳининг бугунги фойдаланишга топшириш тадбирида туман ҳокими Шерзоджон Юлдашев, халқ таълими бўлими мутасаддилари, устоз-мураббийлар ва маҳалла аҳли вакиллари иштирок этди.
Тадбирда бинодаги бунёдкорлик, капитал таъмирлаш ишлари учун 1 миллиард 350 миллион сўм маблағ сарфлангани айтилиб, янгича бино ва шароитлар билан мактаб жамоаси, ёшлар ҳамда қишлоқ аҳли қутланди. Пудратчи ташкилот-“Марғилон бунёдкор таъмир” МЧЖ бунёдкорлари меҳнати эътироф этилиб, "Кексалар ҳафталиги" доирасида фахрий устозларга эсдалик совғалари ҳам топширилди.
Шу куни туман раҳбари бошчилигидаги меҳмонлар ўқув биноси ва синф хоналарида ҳам бўлиб, уларда яратилган шарт-шароитлар билан яқиндан танишди.
