1. Bosh sahifa
2. Yangiliklar

“Энг намунали бошланғич ташкилот” танлови ғолиблари аниқланди

×

Ўзбекистон туманида “Энг намунали бошланғич ташкилот” танлови бўлиб ўтди. 

Туман оила ва хотин-қизлар бўлими ва бошқа ташкилотлар ҳамкорлигида ташкилланган тадбирда туман ҳокими ўринбосари Зулфияхон Саримсақова қатнашиб барча иштирокчиларни табриклади.

Таъкидланганидек, бу каби танловлар мамлакатимизнинг ижтимоий-иқтисодий ривожига муносиб ҳисса қўшаётган, юксак маънавиятли, оилада ва фарзанд тарбиясида ибрат бўлаётган аёлларни қўллаб-қувватлаш, рағбатлантиришга қаратилгани билан аҳамиятлидир. Оилаларни мустаҳкамлаш, миллий қадриятлар, урф-одатлар, муқаддас анъаналарни сингдиришга қаратилган тизимли тарғибот-ташвиқот ишларида шубҳасиз аёлларнинг ўрни ва хизмати беқиёс.

Тумандаги корхона ва ташкилотларнинг хотин-қизлар масалалари бўйича бошланғич ташкилоти раислари ўртасида ўтказилган танловда 15 нафар иштирокчилар учта шарт бўйича беллашдилар. 

Танловнинг барча фаол иштирокчилари ташкилотчилар томонидан эсдалик совғалари билан тақдирланди.