Yuridik va jismoniy shaxslar tomonidan veb sayt orqali bo'lgan murojaatlar
Jami murojaatlar: 38Ishonch telefoni statistikasi
Ислоҳотлар ҳар бир ҳудудларда бўй кўрсатмоқда: Оқёзибобо қишлоғининг ички кўчалари ҳам қулай ва равон бўлди
2023-03-13 21:54:00 190
Ўзбекистон туманида маҳаллалар йўлларини таъмирлаш бўйича амалга оширилаётган ишлар навбати Дарвешобод маҳалла фуқаролар йиғини ҳудудида жойлашган Оқёзибобо қишлоғига етиб келди.
Президентимизнинг 2022 йил 25 октябрдаги “2022-2023 йилларда маҳаллалар инфратузилмасини янада яхшилаш бўйича қўшимча чора-тадбирлар тўғрисида”ги қарори асосида қишлоқнинг 3 минг 200 кв. метр ички йўллари таъмирланиб, асфальтланди.
Кўпдан буён таъмирталаб бўлган ўз кўчаларининг бундай равон ва кўркам тус олаётганидан руҳланган маҳалла аҳли ҳам ташаббус кўрсатишиб, ҳомийлик асосида йўлнинг яна 640 кв. метр қисмини асфальтлашда ўзаро бирдамлик намунасини намоён этишди.
Манзилли давлат дастурлари асосида туман маҳаллалари инфратузилмасини яхшилаш ва аҳолини қийнаб келаётган муаммоларни бартараф этишга қаратилган амалий тадбирлар жойларда қизғин давом этмоқда.
