1. Bosh sahifa
2. Yangiliklar

Ўзбекистон туманидаги маҳаллаларда ифторлик тадбирлари ташкил этилмоқда

×

Муборак Рамазон ойининг маънавий ҳаётимизда эзгулик, шукроналик, меҳр-оқибат каби олижаноб қадриятларни қарор топтиришдаги ўрни ва аҳамияти беқиёс. Ушбу ойда эътиборга муҳтож инсонлар ҳолидан хабар олиш халқимизга хос маънавий қадрият ҳисобланади.

Шу боис ҳам, Президентимиз ташаббуси билан муборак Рамазон ойи кунларида юртимиз маҳаллаларида эҳтиёжманд фуқаролар, нуронийлар учун ифторлик дастурхонлари ёзилмоқда. Бу каби хайр-саховат тадбирлари Ўзбекистон тумани маҳаллаларида ҳам ташкил этилмоқда. 

“Намуна” маҳалла фуқаролар йиғинида 1-сектор штаби томонидан ташкил этилган ифторлик дастурхонига нуроний отахон ва онахонлар, ижтимоий ҳимояга муҳтож оилалар вакиллари таклиф этилди.

Ифторлик дастурхонида ёши улуғлар дуога қўл очиб, юртимизга тинчлик, элимизга омонлик, хонадонларга барака сўрашди, кўрсатилган ҳурмат-эҳтиром учун миннатдорлик билдиришди. 

Бу каби ифторликлар тумандаги ҳар бир маҳаллада ташкил этилмоқда.