1. Bosh sahifa
2. Yangiliklar

Хайрия тадбирлари давом этмоқда: “Обод қишлоқ” маҳалласида ҳам ифторлик дастурхони ёзилди

×

Давлатимиз раҳбарининг жорий йил 21 мартдаги “Муборак Рамазон ойини муносиб тарзда ўтказиш тўғрисида” ги қарори ижросини таъминлаш юзасидан Ўзбекистон туманидаги барча маҳаллаларда меҳр-оқибат, ўзаро ҳурмат муҳитини мустаҳкамлаш, ижтимоий ҳимояга муҳтож кишилар ва нуронийларни ҳар томонлама қўллаб-қувватлашга қаратилган хайрия тадбирлари ташкил этилмоқда. 

Ана шу хайрия тадбирлари доирасида “Обод қишлоқ” маҳалла фуқаролар йиғинида ҳам “Маҳалла” хайрия жамоат фонди томонидан ифторлик дастурхони ёзилиб, унга маҳалладаги рўзадорлар ва ижтимоий ҳимояга муҳтож оилалар вакиллари таклиф этилди. Тадбирда туман сектор раҳбарлари ҳам иштирок этиб, йиғилганларни Рамазон ойи билан табриклашди, бу қутлуғ ой давомида амалга оширилаётган хайрли ишларга тўхталинди.

Ифторлик дастурхони якунида ёши улуғ отахону-онахонлар юртимиз  тинчлиги ва халқимиз омонлиги бардавом бўлишини сўраб, дуо қилди.