1. Bosh sahifa
2. Yangiliklar

Фазилатли ва муборак ойдаги хайрли тадбирлар давом этмоқда

×

Президентимиз ташаббуси билан Муборак Рамазон ойи муносабати билан маҳаллаларда рўзадорлар учун ифторликлар ташкил этилиб, хайр-эҳсон ишлари амалга оширилмоқда.

Туман ҳокимлиги ва "Маҳалла" хайрия жамоат фонди кўмагида “Қумбосди”, “Қулибек”, “Дарвешобод”, “Қумбосди”, “Ўқчи”, “Ўқчи дашт”, “Яккатут”, “Деҳқонобод”, “Дўнгсарой” ва “Эски Яйпан” маҳалла фуқаролар йиғинларида ҳам нуроний отахон ва онахонлар, ижтимоий ҳимояга муҳтож, боқувчисини йўқотган фуқаролар учун ифторлик дастурхони ёзилди. 

Файзли дастурхон атрофида кечган суҳбатларда мамлакатимизда ҳудудларни обод қилиш, аҳоли турмуш фаровонлигини ошириш борасида амалга оширилаётган ишлар ҳақида сўз юритилди.

Нуронийлар юртимиз тинчлиги ва осойишталиги учун шукроналик билдириб, дуога қўл очди. Бу каби хайрия тадбирлари, ифторлик маросимлари туманнинг барча маҳаллаларида ўтказилмоқда.