1. Bosh sahifa
2. Yangiliklar

Ғалла ўрими мавсуми олдидан эҳсон тадбири ўтказилди

×

Ўзбекистон тумани миришкор деҳқонлари 5 минг 700 гектар майдонда етиштирилган ғалла ҳосилини йиғиштириб олиш мавсумини бошлаш арафасида туришибди. Бугун мавсум олдидан Қораёзбобо зиёратгоҳида тадбир ташкил этилди ва жонлиқ сўйилиб, эҳсон маросими ўтказилди. 

Тадбирда туман ҳокими Шерзоджон Юлдашев бошчилигидаги сектор раҳбарлари, қишлоқ хўжалиги соҳаси фахрийлари ва ходимлари, донни ташувчи транспорт корхонаси ва ўрим отрядлари масъуллари, диний соҳа вакиллари ҳамда фаоллар иштирок этишди.

Миришкорлар ва ўримда иштирок этувчи масъулларга мурожаат қилган туман раҳбари халқимизнинг ризқ-рўзи бўлган ғалла ҳосилини нес-нобуд қилмасдан, ўрим-йиғим мавсумини уюшқоқлик билан ўтказиш, бунда барча куч ва воситаларни сафарбар қилиш лозимлигини таъкидлади.

Тадбир сўнгида Қуръон тиловати қилиниб, юрт тинчлиги, ҳосиллар мўл-кўлчилиги, бошланаётган мавсумни хайрли ўтказилишини сўраб дуога қўл очилди.