1. Bosh sahifa
2. Yangiliklar

Аҳоли билан мулоқот: туман ҳокимининг маҳалладаги сайёр қабулида фуқароларнинг ўттиздан зиёд мурожаатларига ечим изланди

×

Аҳоли мурожаатлари билан ишлаш, муаммоли масалаларига ечим топиш мақсадида бугун Ўзбекистон туман ҳокими Шерзоджон Юлдашевнинг навбатдаги сайёр қабули ўтказилди.

“Шакаробод” маҳалласида ташкилланган сайёр қабулда туман давлат солиқ инспекцияси бошлиғи, 4-сектор раҳбари Улуғбек Фозилов, туман ҳокимининг ўринбосарлари, тегишли ташкилот ва муассасалар раҳбарлари ҳам иштирок этди.

Қабул давомида фуқаролар ўзларини қийнаб келаётган муаммоли, ечимини кутиб турган бандликни таъминлаш, соғлиқни тиклаш, уй-жой таъмири, тадбиркорликни ривожлантириш, маҳалла инфратузилмасини яхшилаш, моддий ёрдам ва банк кредити каби каби ўттиздан ортиқ масалалар билан туман ҳокимига мурожаат қилдилар. 

Фуқаролар томонидан кўтарилган мурожаатларнинг баъзиларига шу куни ижобий ечим топилган бўлса, ижроси учун муддат талаб этадиган масалалар юзасидан эса бириктирилган масъуллар томонидан қабулдан сўнг белгиланган манзилларда ўрганишлар ўтказилишига киришилди.

Ҳар бир мурожаат ижроси юзасидан муддат ва масъуллар белгиланиб, тегишлича назоратга олинди.