1. Bosh sahifa
2. Yangiliklar

Қудашдаги “Мурувват” уйида "Меҳр гавҳарларини қўшиқларда улашайлик" деб номланган хайрия концерти бўлиб ўтди

×

Президентимизнинг “Аҳолига сифатли ижтимоий хизмат ва ёрдам кўрсатиш ҳамда унинг самарали назорат тизимини йўлга қўйиш бўйича комплекс чора-тадбирлар тўғрисида”ги фармонига биноан ҳафтанинг ҳар жума куни "Меҳр ва саховат куни" этиб белгиланган.

Шу муносабат билан бугун Ўзбекистон туманидаги Қудаш “Мурувват” ногиронлиги бўлган шахслар учун аёллар интернат уйида навбатдаги хайрия тадбири ташкилланди.

Ижтимоий ҳимоя миллий агентлигининг Ўзбекистон туманидаги “Инсон” ижтимоий хизматлар маркази ҳамда бир гуруҳ саҳоватпеша инсонлар ташаббуси ва ҳамкорлигида муассасада хайрия концерти ўтказилди.

Шароф Муқимов, Жалолиддин Ахмадалиев каби элимиз ардоғидаги бир гуруҳ санъаткорлар мурувват уйида яшовчилар холидан хабар олиб, улар учун куй-қўшиқлар куйлади.

Концерт дастури давомидаги тароналар, меҳрга тўла илиқ сўзлар ва самимий эътибор масканда яшовчилар учун қувонч ва завқ бағишлади.