1. Bosh sahifa
2. Yangiliklar

Ўзбекистон туманида "Маҳаллада дув-дув гап" маънавий-маърифий тадбирлари ўтказилмоқда

×

Республика Маънавият ва маърифат Кенгаши йиғилишида берилган топшириқлар ижросини таъминлаш ҳамда Янги Ўзбекистонни бунёд этиш йўлида амалга оширилаётган кенг кўламли ислоҳотлар, эришилаётган ютуқларни халқимизга етказиш мақсадида Ўзбекистон туманидаги барча маҳаллаларида “Янги ҳаёт учун, Янги Ўзбекистон учун!” шиори остида “Маҳаллада дув-дув гап” маънавий-маърифий ва маданий-мусиқий тадбирлар бўлиб ўтмоқда.

Хусусан, айни мазмундаги тадбирлар бугун “Қайқуобод”, "Шодлик” ва "Янгиҳаёт" маҳалла фуқаролар йиғинларида ташкилланди. 

Туман ҳокимлиги, Маънавият ва маърифат маркази туман бўлинмаси, Оила ва хотин-қизлар бўлими, Ёшлар ишлари агентлиги, туман маданият бўлимлари ҳамкорлигида ўтказилган тадбирлардан асосий мақсад маҳаллаларда ижтимоий-маънавий муҳитни соғломлаштириш, аҳолининг бўш вақтларини мазмунли ўтказиш, умумбашарий қадриятларни келажак авлод онгига сингдиришдан иборат эканлиги қайд этилди. 

Тадбирларда сўзга чиққанлар юртимизда маҳаллаларга берилаётган эътибор, барча соҳаларда амалга оширилаётган изчил ислоҳотлар самаралари ва бунёдкорлик тадбирлари, шунингдек бугун тадбирларнинг мазмун-моҳияти ҳақида таъкидлаб ўтди.

Маънавий-маърифий тадбирлар туман маҳаллаларида давом этмоқда.