1. Bosh sahifa
2. Yangiliklar

“Маҳаллада дув-дув гап” лойиҳаси – амалда

×

Ўзбекистон туман ҳокимлиги, Маънавият ва маърифат маркази туман бўлинмаси ва бир қатор ташкилотлар ҳамкорлигида ўтказилаётган “Янги ҳаёт учун, Янги Ўзбекистон учун!” шиори остидаги “Маҳаллада дув-дув гап” маънавий-маърифий тадбирлар туман маҳаллалари бўйлаб давом этмоқда.

Лойиҳа доирасидаги тадбирлар бугун Ўқчи туман, Учбулак, Шўрқишлоқ, Авғон, Даштчўлпон ва Даштхасан маҳаллалари аҳоли вакиллари иштирокида ҳам кўтаринки руҳда бўлиб ўтди.

Учрашувлар давомида юртбошимиз раислигида 2023 йил 22 декабрь куни ўтказилган Республика Маънавият ва маърифат Кенгашининг кенгайтирилган йиғилишида қайд этилган вазифалар моҳияти, Янги Ўзбекистонни бунёд этиш йўлида амалга оширилаётган кенг кўламли ислоҳотлар ва эришилаётган ютуқлар ҳақида сўз юритилди.

Нуронийларнинг ибратли ўгитлари, викторина ўйинлар, шеър ва қўшиқлар тадбирларга янада мазмун киритди.

“Маҳаллада дув-дув гап” лойиҳаси доирасидаги тадбирлар туманнинг барча ҳудудларида давом этмоқда.