1. Bosh sahifa
2. Yangiliklar

Ёшлар билан ишлаш - устувор йўналиш

×

Ёшлар бандлигини таъминлаш, бўш вақтларини мазмунли ташкил этиш, улар ўртасида жиноятчилик ва ҳуқуқбузарликларни олдини олиш бўйича белгиланган вазифалар доирасида Ўзбекистон туманида қатор амалий тадбирлар ижрога қаратилмоқда.

Мутасадди ташкилотлар ҳамкорлигида жойларда ёшлар иштирокидаги тадбирларда асосий эътибор ана шу муҳим жиҳатларга қаратилмоқда. 

Куни-кеча шу мақсадда туман ички ишлар бўлими ва “Шодлик” маҳалласи масъуллари иштирокида 20-мактаб юқори синф ўқувчи қизлари билан учрашув бўлиб ўтди. 

Учрашувда қизлар – миллат таянчи эканлиги таъкидланиб, бугун юртимизда ёш авлод вакилларига, жумладан, қизларга ғамхўрлик кўрсатиш борасидаги ташаббуслар қамрови кенгайиб бораётганлиги ҳақида сўз борди. Ёшлар доимо ўқиб-ўрганиш, касб-ҳунар эгаллаш орқалигина ҳаётда ўз ўринларини топиши, ёт ғоялар ва иллатлардан ҳоли ҳамда соғлом турмуш тарзига эга бўлиш, улар ўртасида жиноятчилик ва ҳуқуқбузарликларга йўл қўймаслик ҳақида тарғибот ишлари ўтказилди.