1. Bosh sahifa
2. Yangiliklar

Ўзбекистон туманидаги саноат корхоналари атрофида “яшил белбоғ”лар барпо этилмоқда

×

“Яшил макон” умуммиллий лойиҳаси доирасида Ўзбекистон туманидаги кўплаб манзилларда бўлгани каби саноат корхоналари атрофида, йўл бўйларида ҳам "Яшил белбоғ"лар ташкилланмоқда.

Туман ҳокимлиги, Экология, атроф-муҳитни муҳофаза қилиш ва иқлим ўзгариши бошқармасининг туман бўлими ҳамда бошқа ҳамкор муассасалар ташаббуси билан Кичик Тагоб маҳалласи ҳудудидаги саноат корхоналари атрофида "яшил белбоғ" яратилди. 

Мавжуд техника ва куч воситалари жалб этилиб, ободонлаштириш бошқармаси ишчи-ходимлари ҳамда ҳамкор муассасалар вакиллари саъйи-ҳаракати билан ҳудуд теварак-атрофи ободонлаштирилиб, кўчатлар экиш учун ҳозирланди. Лойиҳа доирасида масканга 400 тупдан зиёд манзарали дарахтлар экилди. 

Экологик вазиятни яхшилаш ва она табиатимизни асрашга қаратилган бундай ташаббуслар туманда давом этмоқда.