1. Bosh sahifa
2. Yangiliklar

Ерга барака уруғи тушди

×

Ўзбекистон туманидаги “Аюбжон Шокиржон” фермер хўжалигида жорий йилги чигит экиш мавсуми бошланиши муносабати билан кўргазмали семинар бўлиб ўтди.

Ерга барака уруғларини ўз вақтида ўтказиш хамда юқори ҳосилдорликка эришиш масалаларига бағишланган тадбирда туман сектор раҳбарлари, фермер хўжаликлари, соҳага масъул ташкилот ва корхоналар, пахта-тўқимачилик кластери масъуллари, нуронийлар ва агрономлар иштирок этди.

Семинарда баҳорги дала юмушларини сифатли ўтказиш, чигитни мўътадил об-ҳаво шароитларида қадаб, ўз вақтида ундириб олиш юзасидан атрофлича фикр алмашилди. 

Белгиланган вазифаларни сифатли амалга ошириш бўйича мутасаддилар ва мутахассислар тавсиялари берилди.

Нуроний отахонлар дуоси билан чигит экиш ишлари бошлаб юборилди.

Қайд этилишича, туман пахтакорлари жорий йилда 4 минг 500 гектардан ортиқ ерга чигит қадаб, мўл ҳосил олишни мақсад қилган. Бунинг учун ҳозирги кунда 8 отряд ташкил этилиб, уларга жами 660 тадан зиёд техникалар бириктирилган.