1. Bosh sahifa
2. Yangiliklar

Аҳоли ўртасида томорқачилик маданиятини юксалтиришга устувор вазифа сифатида қаралмоқда

×

Бугун Фарғона вилоят ҳокимининг биринчи ўринбосари Хабиб Сирожитдинов Ўзбекистон туман ҳокими Шерзоджон Юлдашев билан биргаликда “Шакаробод” маҳалла фуқаролар йиғинидаги аҳоли хонадонларида бўлиб, томорқалардан самарали фойдаланиш ҳолатлари билан танишди. 

Ўрганишлар давомида хонадон эгалари билан мулоқотларда томорқа маданиятига эътибор фаровонликнинг ишончли кафолати эканлиги амалий мисоллар билан тушунтирилди. 

Эҳтиёжманд оилаларга ўз томорқасидан самарали фойдаланишни ташкил этишда давлат томонидан бериладиган амалий ёрдам ва кўмаклар тавсия этилди. Шунингдек, аҳолига уй хўжалигида бошқа даромад манбаларини ҳам яратиб бериш чоралари муҳокама қилинди. Бу борада тегишли мутасаддилар, хусусан ҳоким ёрдамчиси ва тижорат банклари масъулларига зарурий кўрсатма ва вазифалар топширилди. 

Мутасаддилар шунингдек, маҳалладаги тадбиркорлик субъектлари фаолияти билан ҳам яқиндан танишдилар.