1. Bosh sahifa
2. Yangiliklar

Ўзбекистон тумани "Инсон" ижтимоий хизматлар маркази жамоаси мини-футбол бўйича тизим ходимлари ўртасида ўтказилган вилоят биринчилигида ғолибликни қўлга киритди

×

Жорий йилнинг 18-19-май кунлари Ижтимоий ҳимоя миллий агентлиги Фарғона вилояти бошқармаси, унинг тасарруфидаги муассасалар хамда "Инсон" ижтимоий хизматлар марказлари ходимлари ўртасида мини-футбол бўйича вилоят биринчилиги ўтказилди. 

Қайд этилишича, 26 та жамоа иштирок этган мусобақа шиддатли ва муросасиз баҳсларга бой тарзда кечди. 

Мусобақанинг финал учрашувида Ўзбекистон тумани "Инсон" маркази ҳамда Қудаш "Мурувват" ногиронлиги бўлган шахслар учун аёллар интернат уйи жамоалари майдонга тушдилар. Учрашувда марказ жамоаси 5:1 ҳисобида ғалаба қозониб, ғолибликни қўлга киритди. Учинчи ўринга эса Марғилон шаҳар "Инсон" ижтимоий хизматлар маркази жамоаси эгалик қилди. 

Якунда ташкилланган тантанали тадбирда ғолиб ва совриндорлар ташкилотчилар томонидан таъсис этилган кубок, диплом ва эсдалик совғалари билан тақдирланди.