1. Bosh sahifa
2. Yangiliklar

“Маърифат улашиб” лойиҳаси ёшларга маънавий озуқа бўлди

×

Ўзбекистон туманидаги 40-умумтаълим мактабида “Маърифат улашиб” лойиҳаси доирасида юртимиз адабий муҳитига муносиб ҳисса қўшиб келаётган адибларимиз билан маънавий-маърифий учрашув ташкил этилди.

Тадбирда Ўзбекистон Ёзувчилар уюшмаси аъзоси, "Меҳнат шуҳрати" ордени соҳибаси, шоира ва журналист Зуҳра Алиева, таржимон Аъзам Исмоил ва иқтидорли санъаткорлар меҳмон сифатида иштирок этди. 

Давра суҳбатида ижодкорлар ўзларининг Ватанга муҳаббат, садоқат, жасурлик, меҳнатсеварлик, одамийлик ҳақидаги ижод намуналаридан ўқиб берди ва ёшларни билим олишга, юрт тараққиёти учун муносиб кадрлар бўлиб eтишишга чақирди.

Тадбир давомида ўқувчилар ҳам ўз шеърий ва бадиий чиқишлари билан даврага кўтаринки кайфият улашди.

Мазмунга бой ўтган учрашув сўнггида ижодкорлар эзгу ниятлар билан мактаб ҳовлисига дарахт кўчатлари ўтқазди.