Yuridik va jismoniy shaxslar tomonidan veb sayt orqali bo'lgan murojaatlar
Jami murojaatlar: 38Ishonch telefoni statistikasi
Ўзбекистон туманидаги мактабларда кундузги оромгоҳлар болаларга хизмат кўрсатмоқда
2024-06-10 16:46:27 566
Ёз фасли бошланиб, мактаб ўқувчилари таътилга чиқишди. Болаларнинг ёзги таътилини мазмунли ташкил этиш, уларнинг оромгоҳларда дам олиши ва билим орттириши учун Ўзбекистон туманида ҳам муайян тадбирлар амалга оширилди.
Айни дамда тумандаги мактабларнинг 6 тасида ташкилланган кундузги оромгоҳлар болаларни қабул қилиб олди. Хусусан, 13, 16, 24, 26, 29 ва 36-мактаблар қошида ана шундай масканлар хизмат қилмоқда.
Туман мактабгача ва мактаб таълими бўлимига кўра, жорий йил ёз мавсумида фаолият кўрсатадиган тумандаги кундузги болалар оромгоҳига 7-11 ёшли ўғил-қизлар жалб этилган. Мавжуд оромгоҳларда 2 мавсум давомида 1 минг 400 нафардан зиёд ўқувчи ҳордиқ чиқариши режалаштирилган.
Кундузги оромгоҳларда болажонлар мусиқа, санъат, расм чизиш, спорт билан шуғулланиши, китоб ўқиши, бичиш-тикиш билан машғул бўлиши ҳамда мароқли дам олиши учун барча шароит яратилган.
