Yuridik va jismoniy shaxslar tomonidan veb sayt orqali bo'lgan murojaatlar
Jami murojaatlar: 38Ishonch telefoni statistikasi
Кичик Тагобда 150 ўринли мактабгача таълим муассасаси қурилиши жадал давом этмоқда
2024-07-25 23:55:36 245
Аввал хабар берилганидек, Ўзбекистон тумани “Кичик Тагоб” маҳалла фуқаролар йиғинидаги 35-давлат мактабгача таълим муассасаси учун 150 ўринли икки қаватли замонавий бино қурилмоқда. Бунёдкорлик ишлари жорий йилги инвестиция дастури доирасида амалга оширилмоқда.
Бугун туман ҳокими Шерзоджон Юлдашев туман давлат солиқ инспекцияси раҳбари Улуғбек Фозилов билан бирга муассасада бўлиб қурилиш ишларининг боришини кўздан кечирди.
Дастлаб, 1974 йилда дала шийпони сифатида барпо этилиб, кейинчалик 1984 йилда собиқ жамоа хўжалигига қарашли болалар боғчаси сифатида иш бошлаган ушбу маскан мослаштирилган бинода фаолият юритиб келган. Охирги вақтларда муассасада 130 нафар болалар тарбияланаётган эди.
Бино-иншоатларнинг таъмирталаблиги билан боғлиқ кўп йиллик муаммони бартараф этиш мақсадида унинг ўрнида 150 ўринли, 2 қаватли замонавий маскан барпо этиш юзасидан инвестиция лойиҳаси тайёрланди. Бунёдкорлик тадбирларини амалга ошириш учун давлат бюджетидан 3 миллиард 883 миллион сўм маблағ йўналтирилди.
Туман ҳокими пудратчи-қурувчилар билан суҳбатда янги бинони ҳар томонлама мукаммал бўлиши кераклигини таъкидлаб, болалар ва уларнинг тарбиячилари учун замонавий шароитлар яратиш бўйича навбатдаги зарурий кўрсатмалар берди.
