1. Bosh sahifa
2. Yangiliklar

“Деҳқонобод” ва “Бозор Яйпан” маҳаллаларида тоза ичимлик суви таъминоти билан боғлиқ муаммолар бартараф этилди

×

Ўзбекистон туманидаги “Деҳқонобод” маҳалла фуқаролар йиғини аҳолисини тоза ичимлик суви билан таъминлаш мақсадида “Фарғона сув таъминоти” АЖ томонидан янги сув насоси ҳамда 600 метр тармоқ етказиб берилди. 

Мазкур тармоқ ва янги насос акциядорлик жамияти томонидан жалб этилган махсус техника, мутахассислар ҳамда аҳоли ташаббускорлигида белгиланган манзилларга ўрнатилди. Натижада эса ҳудуддаги 200 дан зиёд аҳоли хонадонларида тоза ичимлик суви таъминоти яхшиланди. 

Шунингдек, “Бозор Яйпан” маҳалласидаги мавжуд сув иншоатида юзага келган муаммони бартараф этиш мақсадида, ушбу манзилга ҳам янги сув насоси етказиб берилди ва ўрнатилди. Натижада, маҳалладаги 150 дан зиёд аҳоли хонадонлари тоза ичимлик суви билан қайтадан таъминланди.