1. Bosh sahifa
2. Yangiliklar

Қалбларда энг азиз байрам шукуҳи: Нурсухда ҳам истиқлолнинг 33 йиллиги тантана қилинди

×

Ўзбекистон тумани “Нурсух” маҳалла фуқаролар йиғинида ўтказилган “Мустақиллик оқшоми” тадбирида истиқлолимизнинг ўттиз йиллик тўйи катта тантана, шоду хуррамлик билан нишонланди.

Маҳалланинг ёшу-қариси жам бўлган байрам оқшомида туман ҳокимининг ўринбосари Муслимбек Аҳмедов иштирок этиб, барчани улуғ айём билан муборакбод этди. 

“Бир бўлсак – ягона халқмиз, бирлашсак – Ватанмиз!” шиори асосида ўтказилган тадбирда мустақилликни тараннум этувчи шеърлар ўқилиб, истиқлолнинг қадри нақадар улуғлиги ҳақида фикр билдирдилар.

Тадбирнинг бадиий қисмида ёш ижодкорларнинг чиқишлари, рақс, куй ва қўшиқлар барчага байрамона кайфият улашди.

Юртдошларимизга байрам шукуҳини ҳадя этаётган бу каби тантаналар туманнинг барча маҳаллаларида давом этади.