1. Bosh sahifa
2. Yangiliklar

Ёшлар билан навбатдаги учрашув ўтказилди

×

Фарғона вилояти ҳокимининг биринчи ўринбосари Хабиб Сирожитдинов ва туман ҳокими Шерзоджон Юлдашев “Пасткиқўриқ” маҳалласида ёшлар билан учрашди.

Тадбирда сўз олган раҳбарлар ёшларни ҳудудлар “драйвери” сифатида эътироф этиб, инсоннинг келажакда кўп марра ва ютуқларга эга бўлишида айни ёшликда олган мукаммал билими, қунт билан эгаллаган касб-ҳунари муҳим аҳамият касб этиши ҳақида таъкидладилар.

Ёшларнинг муаммоларини ҳал қилиш ва салоҳиятини юзага чиқариш, уларнинг бандлигини таъминлаш, касбга ва тадбиркорликка бўлган қизиқишини ошириш мақсадида ташкилланган учрашув очиқ ва фойдали мулоқотларга бой тарзда ўтди.

Учрашув давомида ёшларнинг турли масалалардаги йигирмага яқин таклиф ва мурожаатлари тингланди. Йўлланган ҳар бир мурожаатлар алоҳида назоратга олиниб, ижросига муддат ва масъуллар белгиланди.

Шу куни хорижда таълим олаётган ва меҳнат қилаётган туман ёшлари билан ҳам видеоконференц алоқа орқали мулоқот ўтказилди. Уларнинг ҳам муаммо ва таклифлари ўрганилиб, ҳар қандай ташаббус инобатга олиши ва қўллаб-қувватлашини билдирилди.